Е. Өмірзақов атындағы Қостанай облыстық филармониясының басшысы Сүндет Байғожин Нұр-Сұлтан қаласы әкімдігінің Мемлекеттік академиялық филармониясының директоры Ерлан Дакеновпен кездесіп, екі мекеме арасындағы шығармашылық ынтымақтастықты арттыру мақсатында меморандумға қол қойды.

«Мұндай шығармашылық байланыстар мен қарым-қатынастардың кең болуы өте маңызды. Мәдени әріптестігіміз жаңа деңгейге көтеріліп, тек кеңейе беретініне сенімдімін», – деді филармония басшысы С. Байғожин.

Меморандумның негізгі мақсаты – екі жақ барлық техникалық мүмкіндіктерді пайдалана отырып, шығармашылық кештер мен гастрольдік сапарларда өзара қолдау көрсетіп, шығармашылық кештерге байланысты ақпараттарды бөлісуге септесу.

Поделиться: