Құжатқа Е. Өмірзақов атындағы Қостанай облыстық филармониясының басшысы Сүндет Байғожин және Қазақстан Композиторлар одағының төрағасы Серікжан Абдинуров қол қойды.
«Бұл өте маңызды келісім-шарттың бірі. Біз Қазақстанның белгілі композиторларымен тығыз әріптестік байланыста болуымыз керек. Алдағы уақытта концерттік бағдарламаларымызды белгілі композиторлардың жаңа шығармаларымен толықтырып, біздің сахнамызда орындайтын боламыз», – дейді филармония басшысы С. Байғожин.
Шығармашылық, мәдени байланысты нығайту негізінде жасалған келісім аясында бірлескен жобалар, музыкалық шаралар қолға алынбақ.